الأحد، 23 سبتمبر، 2012

بحبك


كلنا بنقول مسمعناش ماما وبابا بيقولونا  كلمة بحبك

طب الاول تعرفوا يعنى اية كلمة بحبك

يعنى تبقى تعبان  وماما تسهر جنبك تداويك  وعينها متدوقش النوم الا لما تطمن انك بخير

يعنى تبقى بتذاكر وقلقان وقت الامتحانات وماما  تهتم براحتك وتعملك كوب نسكافية  عشان تركز فى مذاكرتك

يعنى تكون مغمى عليك  وماما  وبابا يشوفوك كدة  يتخضوا عليك  ويحاولوا يسعفوك بسرعة

يعنى تبقى راجع من شغلك بعد يوم عمل شاق وتلاقى ماما  مستنياك عشان تتغدى معاها 

يعنى تبقى رايح الامتحان وماما  وبابا يقعدا يدعولك  بالنجاح فى الامتحان

يعنى لما كنت لسة فى الابتدائى وكانت ماما تصحى معاك من الصبح تفطرك وتجهزك وتوديك المدرسة وترجع تانى عشان تجيبك منها

يعنى تبقى  عاوز تشترى حاجة ضرورية ومفيش فلوس وماما تتصرف عشان تشتريها

ويعنى .... ويعنى ...

كل دة وتيجوا تقولولى مسمعناش بابا وماما يقولو بحبك

صدقونى الام والاب بيقولوا بحبك باكتر من طريقة

والحب عندهم فعل مش قول

وتحية عطرة لكل ام واب سهروا على راحة ابنائهموعملوا المستحيل علشان يبقوا احسن ناس 


السبت، 1 سبتمبر، 2012

شوق وحنين

اشتقت اليك كثيرا ياحبيبى
واشتاقت عيناى لرؤيتك
واشتاقت اذناى لهمساتك
واشتاقت يداى للمساتك
اه لو تدرى ياحبيبى مدى شوقى ولهفتى عليك
اشتاق  لعيناك التى اغوص فى بحرها
اشتاق لأبتسامتك الصافية التى تضىء حياتى

كم احتاجك ياحبيبى واحن الى ضمة من ذراعيك الحانيتين
تضمنى اليك بحنان
وتزيل عنى كل متاعب الحياة و أوجاعها
واذوب بين احضانك واتلاشى بين ضلوعك  لنصبح روحين فى جسد واحد
وتهمس بى (( احبك يامليكتى ... يامن ملكتى جوارحى وكيانى.... يامن جعلتى قلبى يشعر بنبض الحياة ))
واضع رأسى على صدرك وأغمض عيناى وانسى كل ماحولى 

فمتى ستعود الى ياحبيبى  فلقد طال غيابك وفاض بى الحنين