الخميس، 6 يونيو 2013

الى اهم ناس بحياتى


المرة دى مش هكتب بالفصحى 
انا قررت اكتب  بالعامية
الرسالة دى رسالة شكر لكل من ساهم بتربيتى
امى وعمتى ووالدى
الثلاثة دول اهم ناس فى حياتى 
بشكر بابا انة زرع فيا حب القراءة من الصغر  كان بيجيب ليا مجلات 
كان دايما يشجعنى على القراءة
خلانى احس فعلا بمعنى الكلمة
القراءة غذاء الروح
لدرجة انى كنت بوفر من مصروفى واشترى مجلات الاطفال
او روايات الجيب 
لدرجة انى كنت احيانا ممكن اقراء الكتاب مرتين او ثلاثة
ولدرجة انى كنت احيانا اقعد طول اليوم من غير اكل عشان الكتاب اللى بقرأ فية جذبنى ومش عاوزة اقفلة الا لما اخلصة وخلانى نسيت الجوع اصلا :)
وامتدت قراءتى فى الاعدادى لتشمل  كبار الكتاب
امثال نجيب محفوظ ويوسف السباعى وعبد الحميد جودة السحار
والكتاب لما كنت بخلصة كنت بحس انى تعلمت شىء مفيد
كانت الكتب بتساهم فى تربيتى بشكل غير مباشر
وعمتى اللى دايما وقفت جنبى وساعدتنى فى دراستى وكانت معلمتى فى الدراسة والحياة
كانت  دايما تقولى 
انتى مش اقل من اى حد ولو انتى شايفة انك اقل منهم
شوفى هيلين كيلر صماء  وعمياء
ورغم كل دة قهرت الصعاب وعاشت حياتها بحلوها  ومرها
وقهرت جميع الصعاب واتعلمت واصبحت كاتبة معروفة 
كانت عمتى دايما تقولى مفيش حاجة اسمها مستحيل
فية حاجة اسمها ارادة وقوة عزيمة
واياكى تقبلى شفقة من حد
لأنك مش اقل من باقى الناس
وكانت دايما تقف جنبى وتساعدنى فى دراستى وفى الحياة 
علمتنى ان الحياة كلها تجارب وان الانسان مبيتعلمش ببلاش
مهما وقعت على الارض لازم اقوم  اقف من جديد
وامى بجد دى انسانة عظيمة اتحملت منى عصبيتى  فى طفولتى ومراهقتى 
وبطيبتها زرعت فيا حب الناس
وقالتلى اعملى دايما الخير للناس وساعديهم على قد ماتقدرى
بكرة هييجى يوم تحتاجى فية اللى يساعدك هتلاقى ربنا بعتلك ناس يساعدوكى
علمتنى ازرع الخير بدون ان انتظر المقابل
علمتنى ان مهما الدنيا قست عليا اكيد عشان ربنا كاتبلى الخير عندة
علمتنى احمد ربنا دايما على كل شىء  حتى لو كان الالم قاسيا
يمكن ربنا منع عنى الشىء عشان كاتبلى الخير قدام
 بجد الثلاثة دول اهم ناس بحياتى كلمات الشكر لو اجتمعت كلها لن توفيهم حقهم
وانا الان  تحولت من طالبة دبلوم لموظفة وفى نفس الوقت اخذت الشهادة الجامعية وحاليا بالدراسات العليا  ومدونة وكاتبة فى بداية الطريق
 وكل دة بفضل من الله اولا واخيرا  وبفضل امى وعمتى ووالدى ودعمهم المستمر لى   

هناك 14 تعليقًا:

  1. ربنا يخليهملك يا رباب ويخليكي ليهم

    وربنا يقدرك وتسعديهم

    ردحذف
    الردود
    1. اللهم امييييييين يارب ياضياء ويخليك لأهلك يارب

      حذف
  2. جميل وبسيط جدا
    ربنا يخليهملك يارب وتبقي دايما فخورة بيهم
    تحياتي
    ميمي :)

    ردحذف
    الردود
    1. اللهم اميييييييييين
      وميرسى ليكى

      حذف

  3. فكرة التدوينه حلوه انك تجمعي ناس كتير يستحقوا الشكر

    ردحذف
    الردود
    1. فعلا وخصوصا ان كل واحد فينا عندة ناس يتمنى يحكى عنهم ويشكرهم

      حذف
  4. "علمتنى ان الحياة كلها تجارب وان الانسان مبيتعلمش ببلاش"

    ودي بجد الحقيقة ...

    رسالة جميلة بجد ... ربنا يخليهم ليكي إن شاء الله :)

    ردحذف
    الردود
    1. ميرسى ليكى يازينب
      وفعلا دى الحقيقة
      وربنا يخليكى لأهلك يارب

      حذف
  5. من الرائع للغايه ان التشجيع على القراءه منذ الصغر ياتى من الوالدين وهذا امر يحسب لهم ومما لا شك فيه ان القراءه عند من تستهويه الذ من الطعام نفسه ....فهنيئا لكِ والديكِ الذى لهم اعماق قلبى خالص تحياتى وتقديرى

    ردحذف
    الردود
    1. ميرسى ليك كتير ياراضى
      وفعلا من لة والدين كوالداى فهم محظوظين جداااا
      وشكرا لتعليقك الجميل

      حذف
  6. صلاح الجبالى21 فبراير 2014 في 3:33 م

    أوﻻ اشكرهم ﻻنهم زرعوا فحصدوا حصاد جميل
    يارب يدومها عليكم بالصحة والمحبة اللهم امين

    ردحذف
    الردود
    1. ربنا يخليك يااستاذ صلاح

      اللهم امييييييييييييين يارب

      حذف